Inunngorfik innuttaanerlu
Ukiut amerlavallaanngitsut qaangiuttut matuma siorna Kalaallit Nunaanni innuttaasut taamaallat 1 procentii nunani allani innuttaapput. Titartakkami 3.1-mi takuneqarsinnaavoq ukiut tallimat kingulliit ingerlaneranni tamanna allanngtoq, ukiuni taakkunaninunani allani innuttaassuseqartut amerlassusaat 83 procentinik annertusisimasut.
Titartagaq 3.1. Nunani allani innuttaasut amerlassusaat. 1977-2013
Najoqqutaq: Naatsorsueqqissaartarfik
Innuttaasut pillugit paasissutissalerinermi inuttaasut misissoqqissaarneranni Kalaallit Nunaata avataani inunngorsimasut aammalu Kalaallit Nunaanni inunngorsimasut immikkortinneqartarput, agguaqatigiissitsinernimi pissutit ersernerlulersinnaanerat peqqutsigalugu taamatut immikkooritsisoqartarpoq. Inuit Kalaallit Nunaata avataani inuusut 1980-mi 18 procentiusimapput 2013-mi 11 procentiinnanngorsimapput.
Takussutissiami 3.1-mi innuttaasut 1. januar 2013-mi amerlassusaat takuneqarsinnaapput, angajoqqaajusut namminerlu inunngorfiit aallaavigalugit. Takussutissiami takuneqarsinnaavoq, 50.101-it imaluunniit innuttaasut 89 procenti maani nunatsinni inuusimasut.
Takussutissiaq 3.1. 2013-mi innuttaasut amerlassusaat, angajoqqaat namminerlu inunngorfimmut immikkoortillugit
|
|
|
Angajoqqaat inunngorfii |
Angajoqqaaq ataaseq Kalaallit Nunaanni inunngortoq/ Angajoqqaap aappaa |
|||
|
Meeqqap inunngorfia |
Katillugit |
Kalaallit Nunaanni |
Kalaallit Nunaata avataani |
Paasissutis-saqanngit-soq |
Kalaallit Nunaanni |
paasissutis-saqanngit-soq |
|
Katillugit |
56.370 |
34.170 |
743 |
11.728 |
9.442 |
287 |
|
Kalaallit Nunaanni |
50.101 |
33.750 |
317 |
7.159 |
8.776 |
99 |
|
Kalaallit Nunaata avataani |
6.269 |
420 |
426 |
4.569 |
666 |
188 |
Najoqqutaq: Naatsorsueqqissaartarfik
Takussutissiami innuttaasut angajoqqaajusut inunngorfiinut immikkoortiter-nikuupput. Inuit 43.899-it (34.170 + 9.442+287) tassa innuttaasut 78 procentiisa angajoqqaavisa arlaat Kalaallit Nunaanni inuusimasuuvoq. Innuttaasut sisamararterutaat inuit nalunaarsorsimaffiini angajoqqaavisa sumi inunngorsimanerat pigineqanngillat. Tamanna peqquteqarpoq angajoqqaajusut inuup normua atorlugu nalunaarsuiffimmi pigineqannginerannik, tamanna peqquteqarsinnaavoq, Kalaallit Nunaanni Danmarkimiluunniit najugaqannginnerannik imaluunniit ukioq 1968 inuup normua atorlugu nalunaarsuinerup aallartinneqarnera sioqqullugu toqusimaneranik pissuteqarsinnaavoq.
Takussutissiaq 3.2. Innuttaasut annertuumik kinguaariinikkut Kalaallit Nunaannut attaveqartuusut.
|
|
|
Angajoqqaat inunngorfii |
Angajoqqaap aappaa Kalaallit Nunaanni inunngor-simasoq |
|
|
|
Katillugit |
Kalaallit Nunaani |
Paasissutissaqan-ngitsoq |
Angajoqqaap aappa Kalaallit Nunaata avataani inunngorsimasoq |
|
Katillugit |
51.058 |
34.170 |
7.159 |
9.729 |
|
Kalaallit Nunaanni |
49.784 |
33.750 |
7.159 |
8.875 |
|
Kalaallit Nunaata avataani |
1.274 |
420 |
.. |
854 |
Najoqqutaq: Naatsorsueqqissaartarfik, http://bank.stat.gl/benaao3
Kalaallit Nunaanni inunngorsimasup angajoqqaavi marluullutik sumi inunngorsimanersut nalunaarsimanngippat, Kalaallit Nunaannut kinguaariinnerup tungaatigut attaveqartutut naatsorsuinermi ilanngunneqartarpoq. 1. januar 2013-mi Kalaallit Nunaanni kinguaariinnerup tungaatigut attaveqartutut inuit 51.058-it naaatsorsuutigineqarput. Tassa inuttaasut 90 procentii, takussutissiaq 3.2 malillugu. Tamannalumi nikingavallaanngilaq innuttaasut ataatsimut isigalugit kinguaariinnerup tungaatigut attaaveqartuusut (90 procent) Kalaallit Nunaanni inunngortunut (89 procentinut) naleqqiullugit.